Жейдон Санчо «Боруссия»га қайтишга тайёр.

Аввалроқ, «Манчестер Юнайтед» билан шартномаси шу мавсум якунида ниҳоясига етадиган вингерни Дортмунд клуби ўз сафига қўшиб олиш имкониятларини кўриб чиқаётгани маълум бўлган эди.

Журналист Флориан Плеттенбергнинг хабарига кўра, футболчи трансферга розилик берган. Томонлар ўзаро бир неча бор алоқага чиқишган ва эндиликда «Боруссия» ихтиёрида келишувни амалга ошириш учун барча зарур маълумотлар мавжуд.

Қайд этилишича, агар клуб раҳбарияти инглиз футболчиси номзодида тўхталса, немис жамоаси бош мураббийи Нико Ковач Санчонинг трансферини маъқуллаган. Футболчида бошқа клублардан ҳам таклифлар бор.

Жорий мавсумда Жейдон ижара асосида «Астон Вилла»да тўп тепмоқда. У АПЛ доирасидаги 20 та ўйинда 2 та голли узатмани ўз ҳисобига ёзиб қўйган.