«Барселона» яна бир марказий ҳимоячига қизиқиш билдирмоқда. Каталония грандининг эътибор марказига «Реал Сосьедад» шарафини ҳимоя қилаётган Хон Мартин тушди.
Журналист Карлос Монфорнинг хабар беришича, яқинда «кўк-анорранглилар» спорт директори Деку 20 ёшли футболчининг агенти билан учрашиб, эҳтимолий ҳамкорликни муҳокама қилган. Қайд этилишича, «Барса» учун ҳимоя марказини кучайтиришда «Интер» (Милан) аъзоси Алессандро Бастони асосий мақсад бўлиб қолмоқда, Мартин эса италиялик футболчига муқобил сифатида кўрилмоқда.
Transfermarkt портали талқинига кўра, Хон Мартиннинг бозор қиймати 20 миллион еврони ташкил қилади. Футболчининг шартномасида эса 50 миллион евро миқдорида товон пули белгилаб қўйилган.
