Машҳур инсайдер Фабрицио Романо «Манчестер Юнайтед»нинг Мадриднинг «Реал» клуби ярим ҳимоячиси Орельен Тчуаменига бўлган қизиқиши ҳақидаги маълумотларга изоҳ берди.
Трансфер бозори бўйича эксперт «қизил иблислар»нинг франциялик юлдузга қизиқиши борлигини тасдиқлади, бироқ бу келишувни амалга ошиши деярли имконсиз деб атади.
"Манчестер Юнайтед"га Тчуамени ёқади, лекин у кимга ҳам ёқмасди? Унга бир нечта клублар қизиқиш билдирмоқда, аммо "Реал" уни сотиш имкониятини кўриб чиқмаяпти ва Орельеннинг ўзи ҳам Мадридда бахтли", — дея Романонинг сўзларидан иқтибос келтиради Madrid Xtra.
Transfermarkt портали талқинига кўра, «қаймоқранглилар»нинг 26 ёшли футболчисининг бозор қиймати 75 миллион еврони ташкил этади.
