Каталониянинг «Барселона» клуби Испания чемпионатининг 32-турида «Сельта»ни минимал ҳисобда мағлуб этди. Ушбу ўйинда франциялик ҳимоячи Жюль Кунде «Барса» сафида майдонга тушиш бўйича ватандоши Усмон Дембеле билан тенглашиб олди.
Эндиликда ҳар икки футболчи ҳисобида барча мусобақаларда 185 тадан ўйин мавжуд. Агар Кунде жамоадан кетмаса, йил якунига қадар «Барселона» тарихида энг кўп ўйин ўтказган франциялик футболчига айланиши мумкин. Ҳозирда бу борадаги рекорд Эрик Абидалга тегишли бўлиб, у каталонияликлар сафида жами 193 та учрашувда иштирок этган.
Эслатиб ўтамиз, Жюль Кунде 2023 йилдан буён «Барселона» шарафини ҳимоя қилиб келмоқда. Бунгача у Андалусиянинг «Севилья» клуби аъзоси эди.
