«Манчестер Юнайтед» ҳужумчиси Жошуа Зиркзее фаолиятини «Ювентус»да давом эттириши мумкин. 24 ёшли футболчи Англияда ўз ўрнини топа олмади, шу сабабли келаси ёзда жамоани тарк этиш имкониятларини кўриб чиқмоқда.

Calciomercato нашрининг хабарига кўра, Турин клуби нидерландиялик футболчига бўлган қизиқишини қайта тиклаган ва жорий мавсум якунлангач, расмий таклиф билан чиқишга тайёр. «Кекса синьора» раҳбарияти ҳужумчини тахминан 30 миллион еврога баҳоламоқда.

Жошуа Зиркзее жорий мавсумда «қизил иблислар» либосида 22 та ўйинда майдонга тушиб, ўз ҳисобига 2 та гол ва битта голли узатмани ёзиб қўйди. Манчестерга кўчиб ўтишдан аввал у А Серияда «Болонья» шарафини ҳимоя қилган.