«Тоттенхэм» марказий ҳимоячиси Микки ван де Вен топ-клублар эътиборида қолишда давом этмоқда. Агар «шпорлар» Премьер-лигани тарк этадиган бўлса, нидерландиялик футболчини жамоада олиб қолишлари амримаҳол.

Инсайдер Николо Скиранинг маълумотига кўра, 25 ёшли футболчига «Манчестер Юнайтед» ва «Ливерпуль» клублари даъвогарлик қилмоқда. Лондонликлар томонидан белгиланган бошланғич нарх — 90 миллион евро.

Микки ван де Вен жорий мавсумда «Тоттенхэм» сафида 40 та ўйинда иштирок этиб, ўз ҳисобига 7 та гол ва битта голли узатмани ёзиб қўйди. Transfermarkt портали футболчининг бозор қийматини 65 миллион еврога баҳоламоқда. Аввалроқ, ван де Венга «Барселона» ва Мадриднинг «Реал» клублари ҳам қизиқиш билдираётгани ҳақида хабарлар тарқалган эди.