«Ал-Ҳилол» ҳужумчиси Карим Бензема Мадриднинг «Реал» клубида Криштиану Роналду билан бирга ўйнаган даврларини ёдга олди. Франциялик ва португалиялик юлдузлар 2009 йилдан 2018 йилгача биргаликда «қаймоқранглилар» шарафини ҳимоя қилишган.
«Ҳа, у кетганидан кейин ҳужумда менда эркинлик кўпайди, лекин у билан бирга ўйнаш жуда ажойиб эди. Мен унинг жарима майдончаси ичида қандай ҳаракат қилишини мукаммал ўргангандим. У бир мавсумда 50 талаб гол урарди — бу ақл бовар қилмас натижа эди. Мен ундан ҳаракатланиш, рақиб ортига ёриб кириш ва прессингда қатнашиш борасида кўп нарса ўргандим», — дея 38 ёшли форварднинг сўзларини келтирмоқда Испания ОАВлари.
Бенземанинг ўзи «Реал»ни 2023 йилда тарк этиб, «Ал-Иттиҳод»га ўтган эди. Жорий йилнинг бошида эса уни «Ал-Ҳилол» ўз сафига қўшиб олди. Ҳозирда ушбу жамоа Саудия лигасида чемпионлик учун Роналду тўп сураётган «Ан-Наср» билан кураш олиб бормоқда.
