«Манчестер Сити» «Жирона» ва Марокаш терма жамоаси ярим ҳимоячиси Аззедин Унаига қизиқиш билдирмоқда. Бу ҳақда El Chiringuito ўзининг Х ижтимоий тармоғидаги саҳифасида хабар бермоқда.

Манбанинг маълумотларига кўра, 26 ёшли футболчини Мадриднинг «Атлетико» клуби ҳам кузатиб бормоқда. Ўйинчининг шартномасида 20 миллион евро миқдорида товон пули белгиланган. Ўша вақтда марокашлик футболчи «Марсель» аъзоси ҳисобланар эди.

Жорий мавсумда Унаи барча турнирларда 18 та ўйинда иштирок этиб, 5 та гол ва 3 та голли узатмани ўз ҳисобига ёздириб қўйди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt портали тақдим этган маълумотларга кўра, ўйинчининг бозор қиймати 10 миллион еврони ташкил этади.