«Manchester Siti» «Jirona» va Marokash terma jamoasi yarim himoyachisi Azzedin Unaiga qiziqish bildirmoqda. Bu haqda El Chiringuito o‘zining X ijtimoiy tarmog‘idagi sahifasida xabar bermoqda.
Manbaning ma’lumotlariga ko‘ra, 26 yoshli futbolchini Madridning «Atletiko» klubi ham kuzatib bormoqda. O‘yinchining shartnomasida 20 million yevro miqdorida tovon puli belgilangan. O‘sha vaqtda marokashlik futbolchi «Marsel» a’zosi hisoblanar edi.
Joriy mavsumda Unai barcha turnirlarda 18 ta o‘yinda ishtirok etib, 5 ta gol va 3 ta golli uzatmani o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portali taqdim etgan ma’lumotlarga ko‘ra, o‘yinchining bozor qiymati 10 million yevroni tashkil etadi.
