«Манчестер Юнайтед» ва Англия терма жамоаси собиқ ҳужумчиси Уэйн Руни «манкунианликлар» сардори Бруну Фернандешга АҚШ, Мексика ва Канада мезбонлик қиладиган Жаҳон чемпионатида зафар қучишини тилади. Собиқ форвард биринчи навбатда собиқ жамоадоши Криштиану Роналдунинг ушбу кубокни қўлга киритишини исташини таъкидлади.
«Мен сен ва Криштианунинг Жаҳон чемпионатида ғолиб чиқишингизни жуда истардим», — дея Рунининг сўзларини келтиради ВВС.
Аввалроқ Бруну Фернандешнинг ўзи ҳам Роналдуни қўлида кубок билан кўришни хоҳлашини, чунки у ўз фаолияти билан бунга тўлиқ лойиқ эканини тан олган эди.
Эслатиб ўтамиз, Португалия терма жамоаси гуруҳ босқичида Ўзбекистон, Колумбия ва Конго ДР терма жамоалари билан бир жойдан ўрин олган. Тарихда илк бор мундиалда 48 та жамоа иштирок этади.
