«Manchester Yunayted» va Angliya terma jamoasi sobiq hujumchisi Ueyn Runi «mankunianliklar» sardori Brunu Fernandeshga AQSH, Meksika va Kanada mezbonlik qiladigan Jahon chempionatida zafar quchishini tiladi. Sobiq forvard birinchi navbatda sobiq jamoadoshi Krishtianu Ronalduning ushbu kubokni qo‘lga kiritishini istashini ta’kidladi.
«Men sen va Krishtianuning Jahon chempionatida g‘olib chiqishingizni juda istardim», — deya Runining so‘zlarini keltiradi BBC.
Avvalroq Brunu Fernandeshning o‘zi ham Ronalduni qo‘lida kubok bilan ko‘rishni xohlashini, chunki u o‘z faoliyati bilan bunga to‘liq loyiq ekanini tan olgan edi.
Eslatib o‘tamiz, Portugaliya terma jamoasi guruh bosqichida O‘zbekiston, Kolumbiya va Kongo DR terma jamoalari bilan bir joydan o‘rin olgan. Tarixda ilk bor mundialda 48 ta jamoa ishtirok etadi.
