Миланнинг «Интер» клуби таркибида йўқотиш — жорий йилда Италия чемпионатида 27 та ўйинда майдонга тушган бразилиялик ярим ҳимоячи Луис Энрике жароҳат олди. У мушакларини чўзиб олган ва икки ҳафтагача майдонга туша олмайди.

Бироқ, бу мавсумда унинг майдонда қиладиган иши деярли қолмаган. «Интер» чемпионатдаги ғалабани нақд қилиб бўлган. Тўғри, олдинда ҳали Италия Кубоги финали бор, аммо ушбу баҳс фақат 13 май куни бўлиб ўтади. Унгача Луис Энрике соғайиб, жамоа лазаретини тарк этиши кутилмоқда.

Эслатиб ўтамиз, Италия футболининг нуфузи жиҳатдан иккинчи ўринда турувчи турнир финалида «Интер» «Лацио»га қарши баҳс олиб боради.