Франциянинг «ПСЖ» клуби бош мураббийи Луис Энрике жамоа ҳужумчиси Усмон Дембеленинг ўйини ҳақида ўз фикрлари билан ўртоқлашди.
«Биз ҳали ҳам Дембеленинг энг яхши версиясини кўрмоқдамиз. У ҳам ҳужумда, ҳам ҳимояда бизнинг етакчимиз, «Олтин тўп» даражасидаги футболчи. Жорий мавсумда биз у билан жуда яхши ишламоқдамиз», — дея Энрикенинг сўзларини келтиради The Touchline.
Жорий мавсумда 28 ёшли форвард барча турнирларда 34 та ўйинда иштирок этиб, рақиблар дарвозасини 16 бор ишғол қилди ва тўққизта голли узатмани амалга оширди.
