«Бавария» Бундеслигада чемпионликни аллақачон нақд қилиб қўйган, бироқ яна бир ноёб ютуқни қайд этиши мумкин.

Ҳозирда Венсан Компани жамоаси ҳисобида 79 очко бор ва олдинда яна тўртта тур кутмоқда. Bayern & Germany нашрининг қайд этишича, агар мюнхенликлар қолган барча ўйинларда ғалаба қозонса, очко жамғариш бўйича Бундеслига рекордини (91 очко) такрорлайдилар. Амалдаги рекорд ҳам айнан «Бавария»га тегишли бўлиб, у 2012/13 йилги мавсумда Юпп Хайнкес бошчилигида ўрнатилган эди. Эслатиб ўтамиз, ўшанда жамоа барча совринларни, жумладан, Чемпионлар лигасини ҳам қўлга киритган эди — жорий мавсумда ҳам бундай натижани такрорлаш имконияти мавжуд.

Бугун Мюнхен гранди сафарда «Майнц» билан куч синашади. Ўйин Тошкент вақти билан соат 18:30 да бошланади.