Мадриднинг «Реал» клуби мухлислари жамоанинг Ла Лигадаги навбатдаги муваффақиятсизлигидан сўнг ўз норозиликларини яшириб ўтирмадилар. Жума куни «қаймоқранглилар» сўнгги дақиқаларда гол ўтказиб юбориб, «Бетис»ни мағлуб эта олмадилар (1:1). The Touchline нашрининг El Chiringuito’га таяниб хабар беришича, учрашув якунлангач, айрим мухлислар футболчиларга очиқчасига эътироз билдиришган: «Уялмайсизларми, юзингизни кўрсатинглар!» — дея ҳайқирган фанатлар.

«Реал» чемпионат якунига беш тур қолганда чемпионлик имкониятларини деярли қўлдан чиқарди: турнир жадвалида пешқадамлик қилаётган «Барселона» билан орадаги фарқ саккиз очкони ташкил этмоқда, бунинг устига каталонияликларда битта захира ўйини ҳам мавжуд.