«Ливерпуль» бош мураббийи Арне Слот инглиз грандидаги келажаги ҳақида фикр билдирди.
«Мен бу ерда қисқа ёки ўрта муддатга келганман ва ҳозир мени биринчи навбатда «Кристал Пэлас»га қарши ўйин қизиқтирмоқда. Биз кейинги мавсумни муҳокама қиляпмиз, лекин айни пайтда бор эътиборимни ҳозирги жараёнга қаратганман», — дея Слотнинг сўзларини келтиради The Touchline.
Англия Премьер-лигасининг 33 туридан сўнг «Ливерпуль» 55 очко жамғарган ҳолда турнир жадвалининг бешинчи поғонасида бормоқда.
34-тур доирасидаги «Ливерпуль» ва «Кристал Пэлас» ўртасидаги учрашув бугун, 25 апрель куни бўлиб ўтади. Бош ҳакамнинг ўйин бошланишини билдирувчи ҳуштаги Тошкент вақти билан соат 19:00 да чалинади.
