«Наполи» бош мураббийи лавозимида фаолият юритаётган Антонио Конте марказий ҳужумчи Ромелу Лукаку билан боғлиқ вазият ҳақида гапирди.

Бельгиялик форвард клуб раҳбарияти билан низога борди. Терма жамоа ўйинлари учун берилган сўнгги танаффус вақтида Лукаку ўз миллий жамоаси сафида жароҳат олди ва «Наполи»нинг клуб ихтиёрига қайтиш ҳақидаги илтимосига қарамай, Бельгияда мустақил равишда тикланиш жараёнини ўтади.

Аввалроқ Конте Лукаку Италияга қайтганидан сўнг у билан саломлашмаганини маълум қилган эди.

«У базада эди, менинг ишхонам эса ёнгинасида, лекин ҳеч ким эшикни тақиллатмади. Бундай вазиятларда мураббий ҳаммани тушунишга ҳаракат қилади, лекин ҳеч ким мураббийни тушунишга интилмайди», — дея Контенинг сўзларини келтиради Италия матбуоти.

Жорий мавсумда Лукаку барча турнирларда еттита ўйинда иштирок этиб, ўз ҳисобига битта гол ёздириб қўйди.