«Napoli» bosh murabbiyi lavozimida faoliyat yuritayotgan Antonio Konte markaziy hujumchi Romelu Lukaku bilan bog‘liq vaziyat haqida gapirdi.
Belgiyalik forvard klub rahbariyati bilan nizoga bordi. Terma jamoa o‘yinlari uchun berilgan so‘nggi tanaffus vaqtida Lukaku o‘z milliy jamoasi safida jarohat oldi va «Napoli»ning klub ixtiyoriga qaytish haqidagi iltimosiga qaramay, Belgiyada mustaqil ravishda tiklanish jarayonini o‘tadi.
Avvalroq Konte Lukaku Italiyaga qaytganidan so‘ng u bilan salomlashmaganini ma’lum qilgan edi.
«U bazada edi, mening ishxonam esa yonginasida, lekin hech kim eshikni taqillatmadi. Bunday vaziyatlarda murabbiy hammani tushunishga harakat qiladi, lekin hech kim murabbiyni tushunishga intilmaydi», — deya Kontening so‘zlarini keltiradi Italiya matbuoti.
Joriy mavsumda Lukaku barcha turnirlarda yettita o‘yinda ishtirok etib, o‘z hisobiga bitta gol yozdirib qo‘ydi.
