«Манчестер Юнайтед» клуби ярим ҳимоячи Эдерсон Лоуренсонинг трансфери бўйича иш бошлади. The Guardian нашрининг хабар беришича, манкунианликлар «Аталанта» футболчисини жорий мавсум якунида жамоани тарк этадиган Каземиронинг ўрнига асосий номзод сифатида кўришмоқда.

26 ёшли бразилиялик футболчининг иқтидорига «Юнайтед» спорт директори Жейсон Уилкокс юқори баҳо бермоқда. Ҳозирда Эдерсоннинг трансфер қиймати 40-50 миллион евро атрофида баҳоланмоқда.

Шунингдек, инглиз клубининг кенгайтирилган трансфер рўйхатидан яна бир қатор ярим ҳимоячилар ўрин олган. Улар орасида Орельен Тчуамени («Реал», 70 млн фунт), Карлос Балеба («Брайтон», 50 млн фунт), Адам Уортон («Кристал Пэлас», 60 млн фунт) ва Эллиот Андерсон («Ноттингем Форест», 100 млн фунт) бор.

Маълумот учун, Эдерсон А Сериянинг жорий мавсумида 26 та ўйинда майдонга тушиб, 1 та гол уришга муваффақ бўлган.