«Барселона» собиқ бош мураббийи Хави Эрнандес вингер Рафинья Диаснинг муваффақиятлари ҳақида ўз фикрини билдирди.

Бразилиялик футболчи жамоага айнан испаниялик мутахассис даврида келган эди, бироқ ўзининг энг яхши ўйинини Ханс-Дитер Флик қўл остида кўрсата бошлади.

«Рафиньянинг «Барселона»да очилганидан хурсандман. Биз унга жуда кўп туртки берган эдик. У яхши йигит, масъулиятли, ҳақиқий етакчи ва ғолиб. Илгари бразилиялик футболчиларда интизом билан боғлиқ муаммолар бўларди, улар бўшашиб, фақат ўз истеъдодларига таяниб қолишлари мумкин эди. Рафиньяда эса бу борада ҳаммаси жойида, у доимо мукаммалликка интилади», — дея «кўк-анорранглилар» собиқ устозининг сўзларини келтиради Barca Universal.

Эслатиб ўтамиз, Хави 2024 йилнинг май ойида «Барселона»дан истеъфога чиқарилган эди.