«Интер Майами» ҳужумчиси Лионель Месси кетма-кет иккита ўйинда самарали ҳаракатларни амалга ошира олмади.
Бугун 38 ёшли аргентиналик юлдуз МЛС доирасидаги «Нью-Инглэнд Революшн»га қарши баҳсда (1:1) гол уриш ёки голли узатма беришни уддалай олмади. Бундан уч кун аввал эса «Реал Солт Лейк» билан ўйинда (2:0) ҳам худди шундай ҳолат кузатилган эди.
МЛСнинг жорий мавсумида Месси жами 9 та ўйинда майдонга тушиб, ўз ҳисобига 7 та гол ёздириб қўйди, бироқ ҳали бирорта ҳам голли узатмани амалга оширгани йўқ.
