Мадриднинг «Атлетико» клуби ҳужумчиси Хулиан Альварес «Барселона»нинг трансфер мақсади бўлиб қолмоқда. Машҳур инсайдер Фабрицио Романо Каталония грандининг нияти жиддий эканини тасдиқлади, бироқ яқин орада вазиятга ойдинлик киритилмаслигига шаъма қилди.
Айни дамда аргентиналик футболчи бор эътиборини Чемпионлар лигасига қаратган, у ерда жамоаси ярим финалда Лондоннинг «Арсенал» клубига қарши баҳс олиб боради. Қайд этилишича, «Барселона» 26 ёшли форвардни сотиб олиш учун «фаол ҳаракат қилмоқда», шу билан бирга, «кўк-анорранглилар» раҳбарияти молиявий жиҳатдан бу келишувни амалга ошириш қанчалик қийин бўлишини яхши тушуниб турибди.
Transfermarkt баҳосига кўра, Альвареснинг бозор қиймати 90 миллион еврони ташкил этади.
