Лондоннинг «Арсенал» клуби ҳужумкор ярим ҳимоячиси Эберечи Эзе жамоага бўлаётган босим ҳақидаги саволга жавоб берди. «Канонирлар» Премьер-лигада чемпионлик учун курашни давом эттирмоқда, шунингдек, Чемпионлар лигасида ҳам ғолибликка даъвогарлик қилишмоқда — улар аллақачон ярим финалга қадар етиб келишган.
Шанба куни лондонликлар ўз майдонларида чемпионат доирасидаги баҳсда «Ньюкасл»ни мағлуб этишди (1:0).
«Ўзимизга ўзимиз ўтказаётган босим ташқи томондан бўлаётган босимдан кўра анча кучлироқ. Аммо айтишим мумкин бўлган гап шуки, бу ғалабалар учун зарур. Ҳозир ҳамма нарса гаровда турибди. Бу муаммо эмас. Биз шундай ҳолатда эканимиздан мамнунмиз», — дея Sky Sports нашрига берган интервьюсида таъкидлади «қарғалар» билан ўйинда ягона гол муаллифи бўлган Эзе.
Чоршанба куни «Арсенал» Чемпионлар лигаси доирасида «Атлетико»га қарши дастлабки ярим финал ўйинини ўтказади.
