«Арсенал» ярим ҳимоячиси Мартин Субименди фаолиятини «Реал Мадрид»да давом эттириши мумкин. Fichajes нашри маълумотларига кўра, Мадрид клуби ёзги трансфер ойнаси олдидан футболчининг ҳаракатларини диққат билан кузатиб бормоқда.
«Қаймоқранглилар» ўйинчининг тактик фикрлашидан ҳайратда қолган. «Реал» раҳбарияти аллақачон Субимендининг эҳтимолий трансферини муҳокама қилмоқда, чунки клуб таркибни узоқ муддатли кучайтиришни режалаштирган.
Мартин Субименди 2025 йилда 70 миллион евро эвазига «Реал Сосьедад»дан «Арсенал»га ўтган эди. Унинг «канонирлар» билан шартномаси 2030 йилнинг 30 июнига қадар мўлжалланган. Жорий мавсумда ярим ҳимоячи Лондон клуби сафида барча мусобақаларда 49 та ўйинда майдонга тушиб, 6 та гол урди ва 3 та голли узатмани амалга оширди.
