«Борнмут» бош мураббийи Андони Ираола «Челси»ни бошқариш истагида. Испаниялик мутахассиснинг «олчалар» билан шартномаси шу ёзда якунига етади. Бу ҳақда журналист Фабрицио Романо ўзининг YouTube каналидаги видеосида маълум қилди.
Манбанинг хабарига кўра, Ираола фаолиятини айнан Англия чемпионатида давом эттиришни истайди. Ҳозирги вақтда «Челси» Лиам Росеньор истеъфога чиқарилганидан сўнг, бош мураббийликка номзодларни ўрганиш учун вақт олган. Лондон клуби ҳозирча 43 ёшли мутахассис билан музокаралар ўтказгани йўқ.
Ираола 2023 йилнинг ёзидан бери «Борнмут»ни бошқариб келмоқда. Англия чемпионатининг 34 туридан сўнг «олчалар» 49 очко жамғариб, 7-ўринни эгаллаб турибди. «Челси» эса 48 очко билан 8-поғонада бормоқда.
