«Bornmut» bosh murabbiyi Andoni Iraola «Chelsi»ni boshqarish istagida. Ispaniyalik mutaxassisning «olchalar» bilan shartnomasi shu yozda yakuniga yetadi. Bu haqda jurnalist Fabrisio Romano o‘zining YouTube kanalidagi videosida ma’lum qildi.

Manbaning xabariga ko‘ra, Iraola faoliyatini aynan Angliya chempionatida davom ettirishni istaydi. Hozirgi vaqtda «Chelsi» Liam Rosenyor iste’foga chiqarilganidan so‘ng, bosh murabbiylikka nomzodlarni o‘rganish uchun vaqt olgan. London klubi hozircha 43 yoshli mutaxassis bilan muzokaralar o‘tkazgani yo‘q.

Iraola 2023 yilning yozidan beri «Bornmut»ni boshqarib kelmoqda. Angliya chempionatining 34 turidan so‘ng «olchalar» 49 ochko jamg‘arib, 7-o‘rinni egallab turibdi. «Chelsi» esa 48 ochko bilan 8-pog‘onada bormoqda.