Сўнгги ҳафталарда Жозе Моуриньо номи «Реал Мадрид» бош мураббийлигига қайтиш билан боғланмоқда. Нуфузли инсайдер Фабрицио Романо ўзининг янги дастурида ушбу масалага тўхталиб ўтди.

Романонинг сўзларига кўра, «Реал» раҳбарияти Моуриньюнинг клубга қайтиш истагидан аллақачон хабар топган. «The Special One» «қаймоқранглилар» бошқарувида иккинчи имкониятга эга бўлишни истамоқда. Тез орада Мадрид клубида якуний қарор қабул қилинади.

Ҳозирда жамоа билан Альваро Арбелоа ишламоқда. Мавсум якунлангач, у лавозимини тарк этиши кутилмоқда, чунки «Реал» катта эҳтимол билан бу йилги мавсумни совринсиз якунлайди.

Эслатиб ўтамиз, Жозе Моуринью 2010–2013 йилларда «Реал»да фаолият юритган. Ҳозирда португалиялик мутахассис «Бенфика» клубини бошқармоқда.