«Реал» Альваро Арбелоа қўл остида бошқа мураббийларга қараганда камроқ ғалаба қозонмоқда. Жума куни «қаймоқранглилар» Ла Лиганинг 32-тури доирасида «Бетис» билан дуранг ўйнашди (1:1).

Marca нашрининг маълумотларига кўра, Арбелоа жамоа бошқарувидаги 23 та ўйинда 60,9 фоизлик ғалаба кўрсаткичига эга (23 та ўйиндан 14 тасида ғалаба). Бу Бернд Шустер истеъфога чиқарилган вақтдан (2008 йил) буён камида 20 та ўйин ўтказган барча «Реал» мураббийлари орасидаги энг ёмон натижадир. Шустер даврида ғалабалар кўрсаткичи 59 фоизни ташкил этган эди.

Эслатиб ўтамиз, Арбелоа 12 январь куни Хаби Алонсо кетганидан сўнг Мадрид клуби бошқарувини қўлга олган эди.