«Real» Alvaro Arbeloa qo‘l ostida boshqa murabbiylarga qaraganda kamroq g‘alaba qozonmoqda. Juma kuni «qaymoqranglilar» La Liganing 32-turi doirasida «Betis» bilan durang o‘ynashdi (1:1).
Marca nashrining ma’lumotlariga ko‘ra, Arbeloa jamoa boshqaruvidagi 23 ta o‘yinda 60,9 foizlik g‘alaba ko‘rsatkichiga ega (23 ta o‘yindan 14 tasida g‘alaba). Bu Bernd Shuster iste’foga chiqarilgan vaqtdan (2008 yil) buyon kamida 20 ta o‘yin o‘tkazgan barcha «Real» murabbiylari orasidagi eng yomon natijadir. Shuster davrida g‘alabalar ko‘rsatkichi 59 foizni tashkil etgan edi.
Eslatib o‘tamiz, Arbeloa 12 yanvar kuni Xabi Alonso ketganidan so‘ng Madrid klubi boshqaruvini qo‘lga olgan edi.
