«Манчестер Сити» бош мураббийи Пеп Гвардиола жаҳон чемпионати доирасидаги чипталар ва транспорт нархларининг юқорилиги ҳақида ўз фикрларини билдирди.

– Ҳозирда жаҳон чемпионатига чипталар нархи ва 90 долларлик поезд чипталари кенг муҳокама қилинмоқда. Бу ҳақда нима дея оласиз?

– Кўп йиллар олдин, жаҳон чемпионати у ерга борадиган давлатлар учун футболнинг қувончли байрами бўлганини эслайман. Бутун дунёдан, бошқа қитъалардан одамлар у ерда ўйнаш, ўз ватанини кўриш учун келишарди ва ҳамма нарса ҳамёнбоп эди.

Ҳозирги замонда эса... Бу жуда қиммат. Лекин мен у ерда бўлмайман. Шунинг учун нима сабабдан бундайлигини билмайман, умид қиламанки, улар бу ҳақда ўйлаб кўришади ва [нимадир] қилишади... Футбол мухлислар учун мавжуд.

Албатта, ҳомийлар ва бошқа нарсалар ҳақида ҳам ўйлаш керак, акс ҳолда бу лойиҳа ўзини оқламайди. Буни ҳамма билади. Аммо мухлислар — энг асосийси... Улар ушбу бизнес яшашда давом этиши учун асосий калит ҳисобланади, — деди Гвардиола.

Эслатиб ўтамиз, ЖЧ-2026 турнири 11-июндан 19-июлга қадар АҚШ, Канада ва Мексика майдонларида бўлиб ўтади.