Англия Премьер-лигаси грандлари ёзги трансфер ойнаси учун таркибни кучайтириш режаларини тузишмоқда. The Touchline нашри журналист Гари Стоунхаусга таяниб хабар беришича, «Манчестер Юнайтед» ва «Манчестер Сити» «Ноттингем Форест» ярим ҳимоячиси Эллиот Андерсонни ўз сафига қўшиб олиш учун «аёвсиз кураш» олиб бормоқда.
«Ўрмончилар» аллақачон Андерсон кетадиган бўлса, унинг ўрнига номзод топиб қўйишган. «Ноттингем Форест» ушбу трансфердан 100 миллион фунт стерлинг (тахминан 115 миллион евро) ишлаб олиши кутилмоқда.
Эллиот Андерсон 23 ёшда. Ушбу мавсумда ярим ҳимоячи 44 та расмий ўйинда майдонга тушиб, 3 та гол урди ва 3 та голли узатмани амалга оширди.
