Кеча, 26 апрель куни Истанбулдаги «РАМС Парк» стадионида Туркия Суперлигасининг 31-туридан ўрин олган марказий баҳс — Истанбул дербиси бўлиб ўтди. Унда «Галатасарой» ўз майдонида «Фенербаҳче»ни қабул қилди.

Чемпионлик пойгаси учун ҳал қилувчи аҳамиятга эга бўлган учрашув мезбонларнинг 3:0 ҳисобидаги йирик ғалабаси билан якунланди. «Галатасарой» таркибида Виктор Осимҳен, Бариш Йилмаз ва Лукас Торрейра рақиб дарвозасини ишғол этишди.

Меҳмонлар учун учрашувнинг 63-дақиқаси омадсиз келди: «Фенербаҳче» дарвозабони Эдерсон иккинчи сариқ карточкани олиб, майдондан четлатилди. Қолган вақт давомида бир киши кам бўлиб ўйнаган меҳмонлар вазиятни ўнглай олишмади.

Ушбу ғалабадан сўнг «Галатасарой» Туркия чемпионати жадвалида пешқадамликни давом эттирмоқда. Эндиликда «шерлар» ва иккинчи ўриндаги «Фенербаҳче» ўртасидаги фарқ етти очкони ташкил этмоқда.

Маълумот учун, Туркия Суперлигаси якунига қадар яна учта тур қолди.