Kecha, 26 aprel kuni Istanbuldagi «RAMS Park» stadionida Turkiya Superligasining 31-turidan o‘rin olgan markaziy bahs — Istanbul derbisi bo‘lib o‘tdi. Unda «Galatasaroy» o‘z maydonida «Fenerbahche»ni qabul qildi.

Chempionlik poygasi uchun hal qiluvchi ahamiyatga ega bo‘lgan uchrashuv mezbonlarning 3:0 hisobidagi yirik g‘alabasi bilan yakunlandi. «Galatasaroy» tarkibida Viktor Osimhen, Barish Yilmaz va Lukas Torreyra raqib darvozasini ishg‘ol etishdi.

Mehmonlar uchun uchrashuvning 63-daqiqasi omadsiz keldi: «Fenerbahche» darvozaboni Ederson ikkinchi sariq kartochkani olib, maydondan chetlatildi. Qolgan vaqt davomida bir kishi kam bo‘lib o‘ynagan mehmonlar vaziyatni o‘nglay olishmadi.

Ushbu g‘alabadan so‘ng «Galatasaroy» Turkiya chempionati jadvalida peshqadamlikni davom ettirmoqda. Endilikda «sherlar» va ikkinchi o‘rindagi «Fenerbahche» o‘rtasidagi farq yetti ochkoni tashkil etmoqda.

Ma’lumot uchun, Turkiya Superligasi yakuniga qadar yana uchta tur qoldi.