Чемпионлар лигаси ярим финали доирасидаги «Атлетико Мадрид» ҳамда Лондоннинг «Арсенал» жамоалари ўртасидаги дастлабки учрашувда ишлайдиган ҳакамлар бригадаси маълум бўлди.
Мадридда бўлиб ўтадиган ушбу учрашувни нидерландиялик ҳакамлар жамоаси бошқариб боради. Баҳс 29 апрель, чоршанба куни Тошкент вақти билан соат 00:00 да (чоршанбадан пайшанбага ўтар кечаси) старт олади.
Ўйин бош ҳаками сифатида Данни Маккели тайинланди. Унга қанотларда ҳамюртлари — Хессел Стегстра ва Ян де Врис ёрдам беришади. Захира ҳаками вазифасини Сердар Гезюбююк бажаради.
VAR тизимида ҳам нидерландиялик мутахассислар ишлайди: видео-ёрдамчи ҳакам сифатида Деннис Хиглер, унинг ассистенти сифатида эса Пол ван Букел фаолият юритади.













