Chempionlar ligasi yarim finali doirasidagi «Atletiko Madrid» hamda Londonning «Arsenal» jamoalari o‘rtasidagi dastlabki uchrashuvda ishlaydigan hakamlar brigadasi ma’lum bo‘ldi.
Madridda bo‘lib o‘tadigan ushbu uchrashuvni niderlandiyalik hakamlar jamoasi boshqarib boradi. Bahs 29 aprel, chorshanba kuni Toshkent vaqti bilan soat 00:00 da (chorshanbadan payshanbaga o‘tar kechasi) start oladi.
O‘yin bosh hakami sifatida Danni Makkeli tayinlandi. Unga qanotlarda hamyurtlari — Xessel Stegstra va Yan de Vris yordam berishadi. Zaxira hakami vazifasini Serdar Gezyubyuyuk bajaradi.
VAR tizimida ham niderlandiyalik mutaxassislar ishlaydi: video-yordamchi hakam sifatida Dennis Xigler, uning assistenti sifatida esa Pol van Bukel faoliyat yuritadi.
