«ПСЖ» вингери Хвича Кварацхелия Чемпионлар лигаси ярим финали доирасидаги «Бавария»га қарши ўйин олдидан ўз фикрлари билан ўртоқлашди. Сешанба куни парижликлар ўз майдонларида Мюнхен клубини қабул қилишади.
«Бизни жуда оғир ўйин кутмоқда, чунки рақиб айни дамда жуда яхши спорт формасида. Аммо биз «ПСЖ»миз. Биз ҳамма нарсага қодирмиз ва исталган рақибни мағлуб эта оламиз. Майдонда бор кучимизни берамиз», — деди Хвича клуб телевидениесига берган интервьюсида.
Эслатиб ўтамиз, «ПСЖ» ва «Бавария» ўртасидаги дастлабки баҳс 28 апрель куни Париждаги «Парк де Пренс» стадионида бўлиб ўтади.
