«ПСЖ» бош мураббийи Луис Энрике Мюнхеннинг «Бавария» жамоаси устози Венсан Компанининг натижаларига баҳо берди. Энрике бельгиялик мутахассиснинг иши унга ёқишини таъкидлади. Айниқса, Компани ўз жамоасида ҳужумкор футбол қураётганини алоҳида қайд этди.
«Бу менга ёқадиган мураббий... «Бавария» — ўйинларини кузатиш мен учун энг завқли бўлган жамоалардан бири, чунки улар доимо ҳужумкор футбол ўйнашади. Умуман олганда, менга барча мураббийлар ёқади, лекин айниқса ҳужумкор услубдаги мураббийларни хуш кўраман ва у ана шундайлардан биридир», — дея Энрикенинг сўзларидан иқтибос келтирмоқда RMC Sport.
Чемпионлар лигаси ярим финали доирасидаги «ПСЖ» ва «Бавария» ўртасидаги дастлабки учрашув сешанба, 28 апрель куни бўлиб ўтади. Баҳс Парижда ўтказилади.
