Майкл Кэррик бошқарувидаги «Манчестер Юнайтед» келаси мавсумда Чемпионлар лигасида иштирок этиши деярли нақд бўлди. Англия Премьер-лигасининг 34-туридан ўрин олган «Брентфорд» устидан қозонилган ғалабадан сўнг, «қизил иблислар»нинг асосий мақсадига эришиши учун жуда оз қолди.

Эндиликда «Манчестер Юнайтед» қолган тўртта учрашувда атиги икки очко жамғарса, Европанинг энг нуфузли турнири йўлланмасини расман нақд қилади. Олдинда жамоани «Ливерпуль», «Сандерленд», «Ноттингем Форест» ва «Брайтон» клубларига қарши баҳслар кутмоқда.

Маълумот учун, «Манчестер Юнайтед» охирги марта 2023 йилда Чемпионлар лигасида тўп сурган эди.