«Манчестер Юнайтед» бош мураббийи Майкл Кэррик Англия Премьер-лигаси доирасида «Брентфорд» устидан қозонилган ғалабадан (2:1) сўнг ўз фикрлари билан ўртоқлашди.
«Ўйин баъзи ўринларда анча очиқ тус олди. Биз баҳсни фантастик тарзда бошладик. Рақибга ҳам лойиқ баҳо бериш керак — уларда яхши жамоа шаклланган, биз буни билардик. Танаффусгача яхши ҳолатда эдик ва керакли тузатишларни киритдик. Ўйин якунида рақибда вазиятлар бўлди, аммо бизда ажойиб руҳият, фидойилик ва жамоавий бирдамлик бор эди.
Ўйин охирида ҳисобни сақлаб қолдикми? Бу қийин лигадаги қийин баҳс якуни бўлди. Биз хурсандмиз. Бугун ҳамма нарса уч очко учун эди. Олдинда бизни муҳим ўйин кутмоқда ва унга катта оптимизм билан тайёргарлик кўрамиз», — деди Кэррик Sky Sports нашрига берган интервьюсида.
Айни дамда «Манчестер Юнайтед» АПЛ турнир жадвалида учинчи ўринни эгаллаб турибди ва Чемпионлар лигаси йўлланмасига жуда яқин келган. Кэррик шогирдлари 2 май куни ўз майдонида «Ливерпуль»ни қабул қилади.
