«ПСЖ»нинг грузиялик вингери Хвича Кварацхелиянинг отаси Бадри Кварацхелия ўғлининг келажаги ҳақида, айниқса Англия Премьер-лигасининг топ-клублари қизиқиши ҳақидаги миш-мишлар фонида фикр билдирди.
«Хвичанинг “ПСЖ”дан кетиши? У бу ҳақда ўйламаяпти. У Парижда бахтли, клубда уни жуда қадрлашади ва ҳурмат қилишади. Жамоа билан совринлар ютяпти ва “ПСЖ”нинг асосий футболчиларидан бири бўлиб турган пайтда нега бошқа клубга ўтиш ҳақида ўйлаши керак?
Агар “ПСЖ” ҳамкорликни давом эттиришни истамаса, биз вариантларни кўриб чиқамиз, аммо ҳозирча бу муҳокама қилинмаяпти», — деди Бадри “Квирис Палитра” нашрига.
Қайд этиш жоиз, жорий мавсумда Хвича Кварацхелия «ПСЖ» сафида барча мусобақаларда 42 та учрашувда қатнашиб, 16 та гол урди ва 9 та голли узатмани амалга оширди.













