«Манчестер Юнайтед» ҳужумчиси Беньямин Шешко мавсум якунида жамоани тарк этадиган тажрибали жамоадоши Каземиро ҳақида илиқ фикрлар билдирди.

«Каземиро — ҳақиқий «ишчи от». У қайси вақтда ўйнашидан қатъи назар, ҳеч қачон тўхтамайди. Унинг жамоамизда эканлигидан хурсандмиз ва у кетгунига қадар ҳар бир дақиқадан унумли фойдаланамиз. Каземиро бизга жуда кўп ёрдам бермоқда», — дея Шешконинг сўзларини келтиради машҳур инсайдер Фабрицио Романо.

Маълумот учун, 34 ёшли бразилиялик ярим ҳимоячи 2022 йилдан буён «Манчестер Юнайтед» шарафини ҳимоя қилиб келмоқда. Жорий мавсумда у 33 та ўйинда майдонга тушиб, 9 та гол ва 2 та голли узатмага муаллифлик қилди. Мавсум якунида Каземиро эркин агент сифатида «қизил иблислар» сафини тарк этади.