«Manchester Yunayted» hujumchisi Benyamin Sheshko mavsum yakunida jamoani tark etadigan tajribali jamoadoshi Kazemiro haqida iliq fikrlar bildirdi.

«Kazemiro — haqiqiy «ishchi ot». U qaysi vaqtda o‘ynashidan qat’i nazar, hech qachon to‘xtamaydi. Uning jamoamizda ekanligidan xursandmiz va u ketguniga qadar har bir daqiqadan unumli foydalanamiz. Kazemiro bizga juda ko‘p yordam bermoqda», — deya Sheshkoning so‘zlarini keltiradi mashhur insayder Fabrisio Romano.

Ma’lumot uchun, 34 yoshli braziliyalik yarim himoyachi 2022 yildan buyon «Manchester Yunayted» sharafini himoya qilib kelmoqda. Joriy mavsumda u 33 ta o‘yinda maydonga tushib, 9 ta gol va 2 ta golli uzatmaga mualliflik qildi. Mavsum yakunida Kazemiro erkin agent sifatida «qizil iblislar» safini tark etadi.