«Манчестер Сити» ёзги трансфер ойнасида «ПСЖ» вингери Брэдли Барколяни сотиб олишни режалаштирмоқда. Бу ҳақда бир қатор хорижий нашрлар хабар тарқатди.

Маълумотларга кўра, Англия гранди 23 ёшли француз иқтидори учун 100 миллион евро миқдоридаги «космик» суммани таклиф қилишга тайёр. «ПСЖ» раҳбарияти эса, агар таклиф молиявий жиҳатдан ўта жозибадор бўлса, жамоанинг асосий вакилларидан бири бўлган Барколяни қўйиб юбориш вариантини кўриб чиқиши мумкин.

Жорий мавсумда Брэдли Барколя парижликлар сафида барча мусобақаларда 42 та ўйинда майдонга тушиб, 12 та гол ва 7 та голли узатмага муаллифлик қилди. Transfermarkt портали футболчининг айни дамдаги бозор қийматини 70 миллион еврога баҳоламоқда, бироқ унинг трансфери атрофидаги рақобат нархнинг янада кўтарилишига сабаб бўлиши кутилмоқда.