Дортмунднинг «Боруссия» клуби собиқ футболчиси Владимир Бут жорий йилги Европа Чемпионлар лигаси ғолиблиги учун асосий даъвогар номини айтди. Экспертнинг фикрича, Мюнхеннинг «Бавария» жамоаси турнир финалига чиқиш ва бош совринни қўлга киритиш учун энг яхши имкониятга эга.
«Бавария» — ЕЧЛ финалига чиқиш ва мусобақада ғалаба қозониш учун асосий фаворит. Парижда яхши жамоа йиғилган, аммо мюнхенликларда финалга чиқиш учун имконият кўпроқ. Улар анча кучлироқ кўринмоқда», — деди Бут Metaratings нашрига берган интервьюсида.
Шунингдек, мутахассис финалнинг иккинчи иштирокчиси сифатида Мадриднинг «Атлетико» клубини кўраётганини билдирди. Эслатиб ўтамиз, «ПСЖ» ва «Бавария» ўртасидаги илк ярим финал баҳси бугун, 28 апрель оқшомида бўлиб ўтади. Эртага эса «Атлетико Мадрид» ўз майдонида Лондоннинг «Арсенал» жамоасини қабул қилади.
