Кеча оқшом «Сан-Сиро» стадионида Англия терма жамоаси скаутлари «Милан» ҳимоячиси Фикайо Томорининг «Ювентус»га қарши ўйинини (0:0) бевосита кузатиб боришди.
Маълумотларга кўра, 28 ёшли футболчи терма жамоа бош мураббийи Томас Тухелнинг ЖЧ-2026 учун кенгайтирилган таркибидан жой олган.
Англиялик ҳимоячи нафақат терма жамоада, балки клуб миқёсида ҳам муҳим янгиликлар марказида турибди. Айни дамда Томорининг агентлари «Милан» раҳбарияти билан амалдаги шартномани узайтириш бўйича якуний музокараларни олиб бормоқда. «Россонерилар» ўз етакчи ҳимоячисини узоқ муддатга жамоада сақлаб қолмоқчи.
Томори жорий мавсумда жами 34 та ўйинда 3 та голли узатма муаллифи бўлди.
