Kecha oqshom «San-Siro» stadionida Angliya terma jamoasi skautlari «Milan» himoyachisi Fikayo Tomorining «Yuventus»ga qarshi o‘yinini (0:0) bevosita kuzatib borishdi.
Ma’lumotlarga ko‘ra, 28 yoshli futbolchi terma jamoa bosh murabbiyi Tomas Tuxelning JCH-2026 uchun kengaytirilgan tarkibidan joy olgan.
Angliyalik himoyachi nafaqat terma jamoada, balki klub miqyosida ham muhim yangiliklar markazida turibdi. Ayni damda Tomorining agentlari «Milan» rahbariyati bilan amaldagi shartnomani uzaytirish bo‘yicha yakuniy muzokaralarni olib bormoqda. «Rossonerilar» o‘z yetakchi himoyachisini uzoq muddatga jamoada saqlab qolmoqchi.
Tomori joriy mavsumda jami 34 ta o‘yinda 3 ta golli uzatma muallifi bo‘ldi.
