«Рома» ҳужумчиси Пауло Дибала Аргентина терма жамоаси таркибида Жаҳон чемпионатида иштирок этиш имкониятлари ҳақида гапирди. Форвард «альбиселесте» қайдномасига кириш у учун осон бўлмаслигини тушуниб турибди.
«Миллий терма жамоага тушиш қийин бўлади. Мен ўз ритмимни топишим ва клубда барқарорликни сақлашим керак. Ҳа, мақсадим — Жаҳон чемпионатида ўйнаш, лекин аввал клубда яхши спорт формасида бўлишим лозим. Жароҳатлар сабабли Аргентина терма жамоасининг бир нечта йиғинларини ўтказиб юбордим. Аргентина каби терма жамоада эса тўхтаб қолиш мумкин эмас. Мен мураббийга нималарга қодирлигимни кўрсатишим керак», — дея Дибаланинг сўзларини келтиради The Touchline.
Маълумот учун, Пауло Дибала охирги марта Аргентина терма жамоаси сафида 2024 йилнинг сентябрь ойида майдонга тушган эди.
