«Барселона» ўз таркибини кучайтириш бўйича режалар тузмоқда. The Touchline нашри журналист Жота Жордига таяниб хабар беришича, каталонияликлар «Челси» аъзоси Марк Кукурельяга қизиқиш билдирмоқда.
Қайд этилишича, «Барселона» учун Кукурелья жуда жиддий вариант ҳисобланади. Аввалроқ матбуотда «кўк-анорранглилар» мудофаанинг чап қаноти учун янги футболчи сотиб олмоқчи эканлиги ҳақида ёзилган эди.
Шуни таъкидлаш жоизки, Марк Кукурелья «Барселона» академияси тарбияланувчиси ҳисобланади. У жамоанинг асосий таркибида битта ўйин ўтказган. Нуфузли Transfermarkt портали Кукурельяни 50 миллион еврога баҳоламоқда. У дунёдаги энг қиммат чап қанот ҳимоячилари рейтингида тўртинчи ўринда бормоқда.
