Мадриднинг «Атлетико» клуби сардори Коке мавсум якунида жамоани тарк этадиган Антуан Гризманн ҳақида тўхталиб ўтди. Сардор франциялик юлдузни юқори нотада кузатиб қўйиш иштиёқида эканини билдирди.
«Агар Антуан билан Европа Чемпионлар лигаси совринини қўлга киритган ҳолда хайрлаша олсак, бу шунчаки ақл бовар қилмас иш бўларди. Қандай бўлмасин, мотивациямиз жуда юқори. Биз максимал натижага эришиш ниятида ўйнаяпмиз, энг юқори чўққи эса — бу ғалаба», — дея Кокенинг сўзларини келтиради УEФА расмий сайти.
Эслатиб ўтамиз, «Атлетико» тарихидаги энг яхши тўпурар Антуан Гризманн шу ёзда МЛСнинг «Орландо Сити» клубига кўчиб ўтади. У Мадрид клуби сафида Европа лигаси, Испания Суперкубоги ва УEФА Суперкубогида зафар қучган, бироқ ЕЧЛ кубоги унинг коллекциясида ҳали мавжуд эмас. «Матрасчилар» ва «Арсенал» ўртасидаги ярим финал баҳслари 29 апрель ва 5 май кунларига белгиланган
