Зинедин Зиданнинг ўғли, дарвозабон Люка Зидан жароҳат олди ва агар ўз вақтида тикланишга улгурмаса, жаҳон чемпионатини ўтказиб юбориши мумкин. Ушбу воқеа Испания Сегундаси доирасидаги «Гранада» ва «Альмерия» жамоалари ўртасидаги учрашувда юз берди.
Зидан ҳаводаги курашга киришди, бироқ рақиб томонидан берилган зарба шу қадар кучли бўлдики, натижада унинг жағи синиб кетди. Энди Жазоир терма жамоаси бош мураббийи Владимир Петкович учун қўшимча бош оғриғи пайдо бўлди — агар футболчи энг йирик футбол форуми бошлангунга қадар соғайиб кетмаса, унинг ўрнини ким билан тўлдириш керак?
Эслатиб ўтамиз, жаҳон чемпионати жорий йилнинг 11 июнь куни бошланади.
